ბულგარეთის უნივერსიტეტის კინოს, რეკლამისა და შოუ ბიზნესის განყოფილების ორგანიზებით ტარდება საერთაშორისო სტუდენტური კინოფესტივალი „ახალი ტალღა“, რომლის მიზანია შეარჩიოს საუკეთესო ნამუშევრები და ნიჭიერ სტუდენტებს მისცეს შესაძლებლობა თავიანთი შემოქმედება გააცნონ ფართო აუდიტორიას. ფესტივალი გაიმართება 2014 წლის 23-25 იანვარს, ბულგარეთის დედაქალაქ სოფიაში. ფესტივალის საკონკურსო პროგრამაში შედის მოკლე მხატვრული ფილმი, ანიმაცია და დოკუმენტური ფილმი. დამატებითი ინფორმაციისთვის იხილეთ www.newwavefilmfest.net

ქართველმა რეჟისორმა, გიორგი ოვაშვილმა ჩაატარა ვორკშოპი. ხელოვნების უნივერსიტეტის სტუდენტებს გაუზიარა თავისი გამოცდილება, ისაუბრა ახალი ფილმის შექმნის ეტაპებსა და გადაღების პროცესებზე. პრაქტიკული რჩევევბი მისცა და უპასუხა სტუდენტთა შეკითხვებს.

ხელოვნების უნივერსიტეტის აკადემიური საბჭოს გადაწყვეტილებით ქართული კულტურის განვითარების, ეროვნული ცნობიერების განმტკიცებისა და ქრისტიანული სულიერების ამაღლებაში შეტანილი განსაკუთრებული წვლილისათვის სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს, უწმინდესსა და უნეტარეს ილია II-ს ხელოვნების უნივერსიტეტის საპატიო დოქტორის წოდება მიენიჭა. უნივერსიტეტის რექტორმა ე. მესხიამ საპატიო დოქტორის დიპლომი პატრიარქს გადასცა ხელოვნების ცენტრში გამართულ შეხვედრაზე. (ტექსტი იხ. სრულად)

ბათუმის სასტუმრო „ინტურისტის“ საკონფერენციო დარბაზში გაიმართა საქმიანი შეხვედრა თბილისის პროფესიული კოლეჯის "სპექტრი" დირექტორ მ. ტაკიძესა და ხელოვნების უნივერსიტეტის რექტორ ე. მესხიას შორის. შეხვედრაზე გამოითქვა სურვილი სასწავლებლებს შორის აკადემიური, სამეცნიერო და შემოქმედებითი მიმართულებით თანამშრომლობის შესახებ. შეხვედრის დასასრულს ხელი მოეწერა ურთიერთთანამშრომლობის მემორანდუმს.

განათლების ხარისხის განვითარების ეროვნულ ცენტრში გაიმართა უმაღლესი საგანმანათლებლო პროგრამების აკრედიტაციის საბჭოს სხდომა. საბჭოს წევრთა ერთსულოვანი გადაწყვეტილებით უნივერსიტეტის მიერ წარდგენილ თერთმეტივე საბაკალვრო საგანმანათლებლო პროგრამას მიენიჭა აკრედიტაცია 5 წლის ვადით. (სრულად)