Challenge 2017 წლის სტუდენტურ ოლიმპიადაზე რეგისტრაცია დაიწყო!

სპექტაკლის პრემიერა ბათუმის თოჯინებისა და მოზარდ მაყურებელთა სახელმწიფო თეატრის სცენაზე გაიმართა. ალექსანდრე ყაზბეგის მოთხრობა „ელეონორა“ სცენაზე რეჟისორმა ეთერ თავართქილაძემ გააცოცხლა. სპექტაკლში მთავარ როლებს ბათუმის ხელოვნების უნივერსიტეტის თეატრისა და კინოს მსახიობის სპეციალობის მესამე კურსის სტუდენტები: ლინდა ხალვაში, მიხეილ ღომიძე და გიორგი ყურავა ასრულებდნენ (ჯგუფის ხელმძღვანელი პროფესორი ვ. ბიბილეიშვილი).

2016 წლის 27 ოქტომბერს ხელოვნების უნივერსიტეტში გაიმართა ისტორიის მეცნიერებათა დოქტორის ნინო ხარჩილავას წიგნის, „საქორწინო ტრადიციები ისტორიულ სამურზაყანოში“ პრეზენტაცია. პრეზენტაციას ესწრებოდნენ უმაღლესი სასწავლო დაწესებულებების წარმომადგენლები, უნივერსიტეტის სტუდენტები და პროფესორ-მასწავლებლები.

მიმდინარე წლის ოქტომბერში აჭარის განათლების, კულტურისა და სპორტის სამინისტროს მახარდაჭერითა და დაფინანსებით "უმაღლესი განათლების ხელშეწყობის" პროგრამის ფარგლებში ხელოვნების უნივერსიტეტის კინორეჟისურის სპეციალობის სტუდენტებისათვის ჩატარდა მასტერკლასები დრამატურგიასა და რეჟისურის ოსტატობაში. პირველ ეტაპზე დრამატურგმა ირაკლი სოლომონაშვილმა ჩაატარა მასტერკლასები „კინოსცენარზე მუშაობის თეორიასა და პრაქტიკაში“. სტუდენტებს საშუალება ჰქონდათ გაცნობოდნენ სცენარზე მუშაობის სპეციფიკას, საერთაშორისო სტანდარტებისა და მოთხოვნების შესაბამისად სცენარის შესრულებისა და წარდგენის ეტაპებს. რეჟისორისა და სცენარისტის ერთობლივი მუშაობის სპეციფიკასა და სხვა აქტუალურ საკითხებს. დრამატურგმა საკუთარი გამოცდილება გაუზიარა სტუდენტებს. სტუდენტებს მიეცათ პრაქტიკული დავალებები, მასტერკლასზე მნიშვნელოვანი დრო დაეთმო სტუდენტთა მიერ წარმოდგენილი სცენარების განხილვასა და ანალიზს.

აჭარის განათლების, კულტურისა და სპორტის სამინისტროს მხარდაჭერითა და ავსტრიული მხარის მოწვევითა და ორგანიზებით 21 ოქტომბერს, ავსტრიის ქალაქ კრემსში, გალერეა „დალიკო“-ში ბათუმის ხელოვნების უნივერსიტეტის პედაგოგის, ბექა ბოლქვაძის პერსონალური გამოფენა მოეწყო. ქართველი ხელოვანის ფერწერულ ტილოებთან ერთად წარმოდგენილი იყო ავსტრიელი ფოტოგრაფის, უში ოსვალდის ბათუმში გადაღებული ფოტოები.