8 დეკემბერს 16-00 საათზე ქ.ოზურგეთის მ. ბერძენიშვილის სახელობის თანამედროვე სახვითი ხელოვნების ცენტრში გაიმართება ხელოვნების უნივერსიტეტის სახვითი ხელოვნების დეპარტამენტის პედაგოგის, ასოცირებული პროფესორის მიხეილ(მერაბ) კვაჭაძის პერსონალური გამოფენა.

შინაგან საქმეთა სამინისტრო ახლადგახსნილი ერთობლივი ოპერაციების ცენტრის ლოგოს შექმნაზე კონკურსს აცხადებს. დანაშაულის პრევენციის, მომხდარ დანაშაულზე ოპერატიული რეაგირების, ადმინისტრაციული სამართალდარღვევების გამოვლენისა და აღკვეთის, ასევე, სატრანსპორტო ნაკადების მართვის და უტყუარი მტკიცებულებების მოპოვების უზრუნველსაყოფად, შსს-მ ახალი პროექტი – „უსაფრთხო ქალაქი, უსაფრთხო რეგიონი, უსაფრთხო ქვეყანა“ დაიწყო.

მუსიკის ფაკულტეტის სტუდენტთა მონაწილეობით გაიმართა კონცერტი, რომელიც მიეძღვნა ხელოვნების უნივერსიტეტის გახსნიდან 20 წლის საიუბილეო თარიღს. კონცერტში მონაწილეობდნენ მაგისტრატურის სპეციალობის სტუდენტები: ი. მელიქიშვილი,(პროფესორ ნ. ხომერიკის კლასი), დ.თხელიძე, (პროფესორ ნ. ვარშანიძის კლასი), ლ. ვაშაყმაძე, მ. აფხაზავა,ო. ხაჭაპურიძე, მ. ბაშალეიშვილი; ბაკალავრიატის სპეციალობის სტუდენტები: ლ. სიხარულიძე, (პროფესორ მ. ჯახუტაშვილის კლასი), ს. მახათელაშვილი (პროფესორ თ. ცერიაშვილის კლასი) გ.თურმანიძე. კონცერტმაისტერები: ნ. კვირიკაძე, თ. თოფურიძე, ს. ურუშაძე, ნ. ნიშნიანიძე, ლ. ლურსმანაშვილი. შესრულდა ცნობილი ქართველი და უცხოელი კომპოზიტორების ნაწარმოებები. კონცერტის ხელმღვანელი, მუსიკის ფაკულტეტის დეკანი, პროფესორი ლ. ჭელიძე.

2016 წლის 19 ნოემბერს, 82 წლის ასაკში, გარდაიცვალა რეჟისორი, საქართველოს დამსახურებული არტისტი, შოთა რუსთაველის, საქართველოს სახელმწიფო, კ. მარჯანიშვილის, ს. ახმეტელის, მ. აბაშიძისა და ტ. აბუსერიძის პრემიების ლაურეატი, პროფესორი, ხელოვნების უნივერსიტეტის რექტორი 1999-2004 წლებში გიზო ჟორდანია.

მიმდინარე წლის 05 ნოემბრიდან 11 ნოემბრამდე ხელოვნების უნივერსიტეტის რექტორი ე. მესხია საქმიანი ვიზიტით იმყოფებოდა ბაქოში (აზერბაიჯანი) და მონაწილეობას ღებულობდა ბაქოს IV საერთაშორისო თეატრალურ კონფერენციაში. ვიზიტის ფარგლებში გაიმართა შეხვედრები აზერბაიჯანის კულტურისა და ტურიზმის მინისტრთან და აზერბაიჯანის კულტურისა და ხელოვნების სახელმწიფო უნივერსიტეტის რექტორთან. შეხვედრებზე დაისახა უნივერსიტეტებს შორის მომავალი თანამშრომლობის ამოცანა.