საქართველოს თანამედროვე ხუთჭიდისა და ტრიატლონის ფედერაციის წარმომადგენლები ხელოვნების უნივერსიტეტის სტუდენტებს შეხვდნენ. ახალგაზრდებს სპორტის სახეობები და შეჯიბრის ორგანიზებასთან დაკავშირებული საკითხები გააცნეს. 18-20 სექტემბერს ბათუმი თანამედროვე ხუთჭიდის საერთაშორისო კავშირის მხარდაჭერით ბიატლსა და ტრიატლში მსოფლიო ჩემპიონატს უმასპინძლებს. საერთაშორისო ღონისძიებისთვის დაგეგმილია მოხალისედ 100 სტუდენტის შერჩევა. ჩემპიონატში 12 ასაკობრივ კატეგორიაში 30 ქვეყნის 350-მდე სპორტსმენი მიიღებს მონაწილეობას.

რამდენიმე დღეა საზოგადოების მცირე ნაწილში ვრცელდება გადაუმოწმებელი, არაობიექტური ინფორმაციები ხელოვნების უნივერსიტეტის შენობის ადგილმონაცვლეობასთან დაკავშირებით, რაც იწვევს უკმაყოფილებას უნივერსიტეტის სტუდენტებში, პროფესორ-მასწავლებლებსა და თანამშრომლებში.

შენობის ადგილმონაცვლეობის საკითხი განიხილება სამთავრობო წრეებში, მაგრამ საბოლოო გადაწყვეტილება ჯერ არ არის მიღებული. (ტექსტი და ვიდეო იხ. სრულად)

28 აპრილს 13-00 საათზე გაიმართება შეხვედრა საქართველოს თანამედროვე ხუთჭიდისა და ტრიატლონის ეროვნული ფედერაციის წარმომადგენლებთან.

სარაევო იწვევს სცენარისტებს, რეჟისორებს, მსახიობებს, პროდიუსერებს და კინოკრიტიკოსებს სარაევოს ტალანტების ფესტივალში მონაწილეობის მისაღებად, რომელიც გაიმართება 2015 წლის 15-20 აგვისტოს. ფესტივალი ტარდება სარაევოს 21-ე კინოფესტივალის ფარგლებში. საბუთების მიღების ბოლო ვადაა 30 აპრილი.
დამატებითი ინფორმაციისთვის იხილეთ ვებ-გვერდი; talents_sarajevo@sff.ba

2015 წლის 20-23 აპრილს ქ. სტამბულის ხელოვნების უნივერსიტეტის რექტორის მიწვევით ხელოვნების უნივერსიტეტის რექტორი ე. მესხია და უნივერსიტეტის პროექტების მართვის განყოფილების სპეციალისტი ს. ჩიკაშუა მივლინებით იმყოფებოდნენ ქ. სტამბულში. გაიმართა ოფიციალური მიღება სტამბულის ხელოვნების უნივერსიტეტის რექტორთან და უნივერსიტეტის სხვა ხელმძღვანელ პირებთან. მიღების ბოლოს ხელი მოეწერა ურთიერთთანამშრომლობის მემორანდუმს. უნივერსიტეტის რექტორატი მადლობას უხდის ბათუმში თურქეთის საკონსულოს თანამშრომლებს და პირადად გენერალურ კონსულს ვიზიტის მომზადებასა და განხორციელებაში მონაწილეობისათვის.