ჩატარდა ღია გამოცდა სამსახიობო სპეციალობის პირველ კურსზე. სტუდენტებმა წარმოადგინეს მინიატურები: "ეშმაკი და შვიდი ცოდვა", "შური", "არ იქურდო", "მრისხანება", "ბარის მეპატრონე", "ანგარება", "სიძვა", "ღორმუცელობა", "სიზარმაცე". ჯგუფის ხელმძღვანელი პროფესორი ვლადიმერ ბიბილეიშვილი, პედაგოგ-ასისტენტი ნინო დავითაშვილი. ცეკვის პედაგოგი ასისტენტი თამარ ბერიძე.

ჩატარდა ღია გამოცდა ვოკალში სამსახიობო სპეციალობის პირველ კურსზე. ჯგუფის ხელმძღვანელი, პროფესორი ვლადიმერ ბიბილეიშვილი, ვოკალის პედაგოგი ასისტენტ-პროფესორი ტარიელ გველესიანი. სტუდენტებმა შეასრულეს ქართველ კომპოზიტორთა ცნობილი სიმღერები.

ამერიკის საელჩო საქართველოში ფულბრაიტის გაცვლით პროგრამას აცხადებს, კონკურსში გამარჯვებულები 2016-2017 წლებში მაგისტრატურას ამერიკაში უფასოდ გაივლიან. პროგრამა უზრუნველყოფს ამერიკაში ნებისმიერი სპეციალობის დაფინანსებას, ბიზნესის ადმინისტრირების გარდა.(იხ. ტექსტი სრულად)

არასამთავრობო ორგანიზაცია „თავისუფალ ჟურნალისტთა სახლის“ ინიციატივით ბათუმის ხელოვნების უნივერსიტეტში დისკუსია გაიმართა. დისკუსიის თემა იყო, მოქალაქეებზე უკანონო თვალთვალი და მიყურადება, როგორც პირადი ცხოვრების უფლების დარღვევა. დისკუსიის დაწყებამდე ნაჩვენები იყო გერმანელი რეჟისორის ფლორიან ჰენკელ ფონ დონერსმარკის 2006 წელს გადაღებული ფილმი, "სხვების ცხოვრება", რომელიც ასახავს 1984 წელს აღმოსავლეთ ბერლინში, გერმანიის საიდუმლო პოლიციის საქმიანობას. ფილმის ჩვენებას სტუდენტები ესწრებოდნენ.

ბათუმის ხელოვნების სასწავლო უნივერსიტეტის ფოიეში 1 ივნისს მოეწყო შ. ზამთარაძის სახელობის სამხატვრო სკოლის მოსწავლეთა ნამუშევრების გამოფენა.