ხელოვნების უნივერსიტეტის საკონფერენციო დარბაზში დღეს დაიწყო და ხვალ გაგრძელდება ტრენინგი, რომელსაც „კერძო უმაღლესი სასწავლებლების ასოციაციის“ წარმომადგენლები ატარებენ. ტრენინგისმონაწილეები ორი დღის განმავლობაში გაეცნობიან აკრედიტაციასთან დაკავშირებულ პროცედურებს. ისაუბრებენ ავტორიზაციისა და აკრედიტაციის ახალ სტანდარტზე, ადამიანური რესურსების მართვის საკითხებზე, ასევე, სტუდენტთა შეფასების განახლებულ სისტემაზე. წლის ბოლოს უმაღლეს სასწავლო დაწესებულებებს სააკრედიტაციო ვადა ეწურებათ, რისთვისაც მოსამზადებელი პერიოდი უკვე დაიწყო.

მიმდინარე წლის 26 თებერვალს დაიწყო და 7 მარტს დასრულდა ერთობლივი საერთაშორისო კინოპროექტის „ბათუმის ერთი დღე“ პირველი ეტაპი. პროექტში ჩართული იყვნენ პოლონეთის ქალაქ ლოძის კინოსკოლის წარმომადგენლები ცნობილი კინოდოკუმენტალისტები პროფესორი მიროსლავ დემბინსკი, პროფესორი მიროსლავა დემბინსკა და მთავარი მენეჯერი ვიქტორია ოგნევა. თბილისის კინოსკოლას წარმოადგენდა კინო-ტელე ფაკულტეტის დეკანი, პროფესორი ოთარ ლითანიშვილი და ამავე ფაკულტეტის პროფესორი, დავით ჯანელიძე, ხოლო ბათუმის კინოსკოლას, უივერსიტეტის კინო-ტელე ხელოვნების დეპარტამენტის უფროსი, პროფესორი ზაზა ხალვაში.

ერთობლივ საერთშორისო კინოპროექტში ჩართული პოლონეთის ქალაქ ლოძის კინოსკოლის წარმომადგენლები პროფესორი მიროსლავ დემბინსკი, პროფესორი მიროსლავა დემბინსკა და მთავარი მენეჯერი ვიქტორია ოგნევა პროექტის დასრულების შემდეგ უნივერსიტეტის რექტორს ე. მესხიას შეხვდნენ.

ხელოვნების უნივერსიტეტს ქ. ბათუმში თურქეთის გენერალური კონსული ქალბატონი მაქბულე ქოჩაკი ეწვია.