27 მარტს ბათუმის ხელოვნების სასწავლო უნივერსიტეტში წიგნის „ზაქარია ფალიაშვილი. ცხოვრება და შემოქმედება“ პრეზენტაცია გაიმართა. წიგნი თბილისის მუზეუმების გაერთიანების დირექტორმა, ხელოვნებათმცოდნეობის დოქტორმა ნინი სანადირაძემ წარადგინა. პრეზენტაციის ფარგლებში მუსიკის ფაკულტეტის აკადემიური სიმღერის სპეციალობის სტუდენტებმა ზაქარია ფალიაშვილისა და დიმიტრი არაყიშვილის ნაწარმოებები შეასრულეს.